محدش هيصدق ان هو الي طلع خاين وانه عمل عملته وبعد كده سابني .. انا انا واهلي.. كل العيله فرحانه وبتجهز لفرحي.. فرحي الي باقي عليه ايام فضلت علي الحال ده اسبوع مش عارفه استوعب الي حصل
زياد كلم اهله واهلي وقال لهم انا خلاص مش عايز بسمه وطلقتها.. كلهم اتصو وكلهم بيسالو عن السبب.. قال لهم بكل بساطه احنا متفاهمناش … وانا بصراحه مقدرتش اتكلم ولا ادافع عن نفسي ..هقول ايه؟
جوزي ؟ طيب مهي غلطتي اني روحت معاه الشقه.. وكده هفضح نفسي واهلي..انا حاسه اني جبانه وغلطانه اني معرفتش اهلي من اول ما حصل الي حصل
كان وقتها بابا هيعرف يوقفه عند حده ويجبره يتمم الجوازه.. انا ليه سكتت؟
ليه ضعفت؟
بس دلوقتي خلاص مينفعش اتكلم.. اهلي بيواسوني ويقولو لي انتي مش خسرانه حاجه والحمد لله انه عمل كده قبل الفرح وقبل الفاس متقع في الراس.. في . بكره يجي لك سيد سيده… هم ميعرفوش الي فيها للاسف
انا حاسه ان حياتي انتهت ووقفت لحد كده
وحكيت لكم حكايتي علشان تكون عبره لكل بنت اوعي تثقي في اي حد حتي لو جوزك وكاتبين الكتاب .. مهما قال واتحايل عليكي وهددك اوعي تضعفي …
متسلميش نفسك له الا بعد الفرح لان الجواز اصله الاشهار لكن كتب الكتاب وحده مش كفايه… اتعلمي من حكايتي .. وياريت الاهل ياخدو عبره من حكايتي بلاش تكتبو الكتاب الا مع الفرح
علشان تحمو. بناتكم من الموقف ده
